فیروزه حافظوا، خواننده تاجیک به خاطر نقض قانون تنظیم رسوم به ۵۰۰ دلار جریمه محکوم شد. بر اساس قوانین تاجیکستان،‌ مراسم بزرگ و پرخرج ممنوع‌اند و مهمانان فقط باید «از حلقه خانواده» باشند.

Фирӯза Ҳафизова

 

Фирӯза Ҳафизова, хонандаи тоҷик, ба хотири нақзи Қонуни танзими русум ба 500 дулор ҷарима маҳкум шуд. Бар асоси қавонини Тоҷикистон, маросими бузургу пурхарҷ мамнӯъанд ва меҳмонон фақат бояд “аз ҳалқаи хонавода” бошанд.

Дар Тоҷикистон баргузории ҷашни таваллудҳои бузург бо меҳмононе ба ҷуз аъзои хонавода мамнуъ аст. Фирӯза Ҳафизова, хонандаи машҳури тоҷик, ба хотири зери по гузоштани ин қонун ҷарима шуд.

Телевизиюни давлатии Тоҷикистон шанбеи дувуми феврал Ҳафизоваро дар ҳоли рафтан ба додгоҳ нишон дод. Хонандаи машҳур дар додгоҳе дар Душанбе, пойтахти Тоҷикистон, ба пардохти панҷ ҳазор сомонӣ (наздик ба 500 дулори омрикоӣ) маҳкум шуд.

Моҷаро бо интишори видеуе аз ҷашни таваллуди Ҳафизова оғоз шуд. Ин видеуи овоз ва рақс, ки ӯро дар ҳоли ҷашн гирифтан нишон медод, мадраки маҳкумияти ӯ ба ҳисоб омад. Иттиҳоми аслияш? Нақзи маҳдудияти шумори меҳмонон, ки дар қонуни “танзими анъана ва ҷашну маросимҳои Ҷумҳурии Тоҷикистон” таъйин шудааст.

Ин қонун 8-уми июни 2007 тасвиб шуд ва дар 2018 маҳдудиятҳои бештареро ба он афзуданд. Бар асоси ин қонун, маросими бузургу пурхарҷ мамнӯъ ҳастанд ва меҳмонон фақат бояд “аз ҳалқаи хонавода” бошанд. Дар видеуи мунташиршуда хонавода дар канори дӯстонаш дар ҳоли рақсу шодӣ буд.

Ба гузориши родиюи Озодӣ, Эмомалӣ Раҳмон, раиси ҷумҳурӣ, пеш аз тасвиби ин қонун гуфта буд, ки фишори иҷтимоъӣ барои баргузории маросими пурхарҷ ба фишори молӣ бар хонаводаҳои тиҳидаст бадал шудааст. Пас аз он буд, ки барои баргузории арӯсӣ, азо, ҷашни таваллуд ва хатнасурон қонуни танзим тасвиб шуд.

Дар соли 2017 маҳдудиятҳои ин қонун барои мақомҳои давлатӣ сахтгиронатар шуд. Бар асоси тағйироти ҷадид, агар мақоми расмӣ ё узви дараҷаи яки хонаводааш Қонуни танзимро нақз кунанд, ӯ билофосила аз симаташ барканор хоҳад шуд.

Бар асоси ин қонун, ҷаримае то сақфи чаҳор ҳазор дулор барои мутахаттиён ва то сақфи панҷ ҳазору 700 дулор дар сурати такрори тахаллуф дар назар гирифта шудааст. Мудири пешини Китобхонаи миллӣ ба ҳамин хотир дар сентябри соли 2017 аз кор ихроҷ шуд

Аммо на танҳо худи ин қонун, балки шеваи иҷрояш ба пурсишҳои зиёде доман задааст. Ба гузориши родиюи Озодӣ гурӯҳе аз маъмурони давлатӣ дар соли 2017 чанд соъат пеш аз оғози ҷашни арусӣ ба хонае дар ҷануби Тоҷикистон ҳамла карданд ва бештари ғизоҳои ин хонаводаро забт карданд. Мақомот эълом карданд, ки миқдори ғизоҳои омодашуда барои ҷашн нишон аз “исроф” дошт ва онҳо аз “нақзи қонуни танзим” ҷилавгирӣ кардаанд.

Кишварҳои Осиёи Миёна ба хотири баргузории ҷашнҳо ва маросими бузургу пурхарҷ, бавижа барои арӯсӣ ва азодорӣ, машҳуранд. Барои мисол, дар Узбeкистон, ки мутавассити даромад 100 то 300 дулор аст ва беш аз 12 дарсади ҷамъият зери хатти фақр зиндагӣ мекунанд, як арӯсӣ метавонад то 20 ҳазор дулор харҷ бардорад.

Вебсойти узбакистонии «Хабар» дар бораи ин ҳазинаҳо иддиъо мекунад, ки шаҳрвандони Узбeкистон якуним баробар беш аз кулли будҷеи кишвар харҷи арӯсӣ ва азодорӣ мекунанд. Узбeкистон низ ба дунболи роҳи ҳалле барои ин мушкил аст. Қонунгузорон нимнигоҳе ҳам ба Тоҷикистон доранд ва пешнависи қонуни маҳдуд кардани шумори меҳмонон дар арӯсиҳо соли гузашта омода шуд. Аммо оё роҳи ҳалҳои танбеҳӣ ва кайфарӣ барои фарҳангсозӣ муносиб аст?

 

 

نظرات

نظر (به‌وسیله فیس‌بوک)