کشور ازبکستان و قیرقیزستان تصمیم گرفته اند که در نیمه ماه ژوان، به فیلبرداری اثر معروف «سروقامت دلبریم» شروع کنند. «ازبیک‌کینا» بزرگ‌ترین شرکت دولتی سینمای ازبکستان و  شرکت تولید فیلم «دان» در قیرقیزستان علام کرده است که قراردادی را بین خود امضا کرده اند که بر اساس آن قرار است، یکی از معروف‌ترین اثرهای چینگیز آیتمتوف، نویسنده شناخته قیزقیز را به فیلم داستانی تبدیل کنند.

عکس از سایت رسمی پریزاد یعقوب‌بیکوا، مدیر شرکت تولید فیلم «دان»

نقش‌های اصلی عسل و خدیچه را مدینه طالب‌بیک، هنرپیشه‌های زن قیزقیز و الینا آبای قیزی و الیاس و بایتیمیر را ادیس رجبوف و علوغ‌بیک قادروف، هنرپیشه‌های مرد ازبک قرار است که اجرا کنند.

سایت خبری قرقیزستان For.kz نوشته است که این فیلم به مناسبت نود‌سالگی چینگیز آیتمتوف، نویسنده فقید قیرقیز، ساخته می‌شود. گفته شده است که محل فیلم‌برداری فیلم داستانی «دلبریم»، شهر تاشکند، بلیقچی، نمنگان و اغبه بین فرغانه و تاشکند اعلام شده است.

گزارش سیات رادیو آزادی در همین موضوع با خط سیریلیک را در اینجا بخوانید:

Узбекистону Қирғизистон бар пояи осори Айтматов филм ба навор мегиранд

Маркази продюсерии “Дан”-и Қирғизистон дар якҷоягӣ бо Оҷонси миллии “Узбеккино” дар асоси асари “Дилбарам”-и Чингиз Айтматов филмеро бо ин ном ба навор мегиранд. Дар ин бора раҳбари ширкати “Дан” Перизат Ҷакипбекова рӯзи 11 июн хабар дод.

Ба гуфтаи ӯ, наворбардории филм 20 июн оғоз хоҳад шуд. Нақшҳои асосиии Илёс ва Бoйтемирро ҳунармандони узбек Адис Раҷабов ва Улуғбек Қодиров, нақши Аселу Хадичаро ҳунармандони қирғиз Мадина Толиббек ва Элина Абай қизӣ иҷро хоҳанд кард.

Масири наворбардории филм аз Тошканд то Балиқчӣ, ба воситаи Намангон ва ағбаи миёни Фарғонаву Тошканд хоҳад буд.

Муаллифи филмнома нависанда ва драматурги қирғиз Керез Зарликов буда, филмро коргардони узбек Сарвар Каримов ба навор мегирад. Нахустнамоиши филм дар зодрӯзи Чингиз Айтматов – 12 декабр дар Қирғизистон баргузор мешавад.

Филми мазкур бо ташаббуси ҷониби Узбекистон наворбардорӣ мешавад. “Дан” ва “Узбеккино” ҳаққи нақшофаринии ҳунармандони кишварҳои худро пардохт карда, дар сармоягузории филм президенти Узбекистон Шавкат Мирзиёев низ кумак хоҳад расонд.

نظرات

نظر (به‌وسیله فیس‌بوک)