بو گون قانلی ۲۰ یانوار فاجعهسیندن ۳۳ ایل اؤتور.
Axar.az خبر وئریر کی، آذربایجانین آزادلیغی و اراضی بوتؤولویو اوغروندا مباریزه تاریخینه قهرمانلیق صحیفهسی کیمی داخیل اولموش ۱۹۹۰-جی ایل یانوارین ۲۰-ده اؤلکهمیزه قارشی اراضی ادعالاری ایرلی سورن ارمنیستانین تجاوزکار حرکتلریندن و کئچمیش اس.اس.ار.ای رهبرلیینین اونلارا هاوادارلیغیندان حددتلنهن، باکینین کوچهلرینه و میدانلارینا چیخاراق بونا اؤز قطعی اعتراضینی بیلدیرهن گئنیش خالق کوتلهلرینه قارشی سووت اوردوسونون دؤیوش حیصهلرینین یئریدیلمهسی آذربایجاندا مثلی گؤرونممیش فاجعهیه گتیریب چیخاردی. همین فاجعهلی گونلرده اؤز اؤلکهسینین، خالقینین آزادلیغینی، شرف و لیاقتینی هر شئیدن اوجا توتان مرد وطن اولادلاری جانلاریندان کئچهرک شهیدلیک زیروهسینه اوجالدیلار.
بؤیوک ایتکیلرله، گناهسیز اینسانلارین قتلی ایله نتیجهلنهن ۲۰ یانوار فاجعهسی گورباچوو باشدا اولماقلا، جینایتکار ایمپرییا رهبرلیینین آذربایجانا قارشی خیانتکار سیاستینه دؤزمهیهن، اؤز آزادلیغینا، مستقیللیینه جان آتان خالقیمیزین مباریزلیینی، اییلمزلیینی، مغرورلوغونو بیر داها نماییش ائتدیردی.
۱۹۹۰-جی ایل یانوارین ۱۹-دان ۲۰-نه کئچن گئجه، اولجهدن فوق العاده وضعیت اعلان ائدیلمهدن، سووت اوردوسو آذربایجانا قارشی حربی عملیاتلارا باشلادی. فاجعه زامانی ۱۳۷ اینسان اؤلدورولدو، ۷۴۴ آدام آغیر خسارت آلدی، ۸۴۱ نفر ایسه قانونسوز اولاراق حبس ائدیلدی. سووئت اوردوسونون عملیاتلاری نتیجهسینده ۲۰۰ منزیل، ائو، شخصی و دولت املاکی داغیلدی.
محض بونون نتیجهسینده اوزون ایللردن بری آرزوسوندا اولدوغوموز مستقیللییه قوووشدوق و اؤلکهمیز سوورنلیک الده ائتدی. بو قانلی حادثهلردن ایللر کئچسه ده، خالقیمیز او مدحش گئجهنی دایم خاطرلاییر، بو فاجعهنی تؤرهدنلره اؤز درین نیفرتینی بیلدیریر. خالقیمیزین قان یادداشیندا ابدی یاشایاجاق ۲۰ یانوار فاجعهسی رسپوبلیکامیزدا هر ایل عموم خالق حزن گونو کیمی گئنیش قید ائدیلیر.
اس.اس.ار.ای-نین سوتونلارینی لاخلادان همین فاجعهدن فوتولاری تقدیم ائدیریک:
هنوز نظری ثبت نشده است. شما اولین نظر را بنویسید.