ایرانا تطبیق اولونان سانکسییالار (تحریملر) تهران رژیمینی سیاسی جهتدن ضعیفلتسه ده، حربی گوجونه تأثیر ائتمهییب. بئله اولان حالدا داها سرت آددیملار آتیلا بیلر.
بو سؤزلری Axar.az-ا حربی اکسپرت (تحلیلگر نظامی)عدالت وئردیئو روسییانین اوکراینادا تؤرتدیی محاربه جینایتلرینه ایرانین اورتاق اولماسی مسئلهسینی شرح ائدرکهن دئییب.
او، ایرانا معین قاباقلاییجی تدبیرلرین ممکن اولدوغونو دئییب:
«ایرانین روسییایا پیلوتسوز آپاراتلار (پهپاد) وئردیی آرتیق هر کسه معلومدور. بونلار «شاهد-۱۳۶» و «شاهد- ۱۳۱» مدللری، آز بیر میقداردا دا «مهاجر-۶» پوا-لاریدیر. حاضردا «مهاجر-۶» مدلی اوکراینا اوردوسوندا روسلارین اؤزونه قارشی ایستیفاده اولونور. هم آمریکا، هم ده ایسرائیل رسمیلری طرفیندن سسلنهن فیکیرلر اونو دئمهیه اساس وئریر کی، ایرانین بعضی اوبیئکتلرینه (منطقهلرینه)، نووه تدقیقاتلاری ایله مشغول اولان آراشدیرما مرکزلرینه (مراکز تحقیقات اتمی)، پوا ایستحصال ائدن موسسهلرینه (موسسات تولید پهپاد )قارشی هاوا ضربهلری ائندیریله بیلر. بونلار معین قاباقلاییجی ضربهلر حساب اولونور».
حربی اکسپرت ائلخان شیخلعیئو ده بیلدیریب کی، حاضیرکی مقامدا اساس ایستیقامت اوکراینایا یؤنلدییندن ایرانی بیرباشا مداخیله آغلاباتان گؤرونمور:
«اساس فیکیر اوکراینا اوزرینده جمعلشیب. محاربهنین ایکی جبههده آپاریلماسی ناتو اؤلکهلری اوچون آرزوولونان دئییل. اما هاوا ضربهلری استثنا دئییل.
ایرانین نووه سلاحینا صاحب اولماماسینا چالیشیرلار. بونا گؤره ده نووه اوبیئکتلرینه هاوادان ضربهلر ائندیریلمهسی احتیمالی بؤیوکدور. آنجاق اوکراینا-روسییا محاربهسی سونلانمایانا قدر بونو گؤزلمییمیز بیر آز دوغرو اولمازدی».
اکسپئرتین سؤزلرینه گؤره، ایرانی حربی گوجدن داها چوخ، سانکسییالارلا (تحریملرله)، سیاسی قاداغالارلا چکیندیرمهیه چالیشاجاقلار:
«هر بیر حالدا آرتیق ایران و روسییا عینی موستویدهدیر. اونلارین دونیا سیاستینه تأثیرینی آزالتماق اوچون ضعیفلتمهیه چالیشیرلار».
هنوز نظری ثبت نشده است. شما اولین نظر را بنویسید.