آذربایجانلیلاری آچیق شکیلده اعدام ائتمکدن چکینهن ایران حاکمیتی اونلاری دولاییسی ایله اؤلدورور. ایشگهنجه و تجاووز گؤسترهرک، گنجلری اینتیحارا سوروکلییر.
بو سؤزلری Axar.az-آ گونئی آذربایجانلی سیاسی فعال ائلدار گونئی ایرانین جزا تدبیرلریندن دانیشارکهن دئییب.
او، ایران انتظام قوهلریندهکی یئنی تعیناتین اعتراض دالغاسینی داها دا شیددتلندیرجیینی بیلدیریب:
«احمدرضا رادانی ایران انتیظام قوهلرینین کوماندیری (فرماندهی) تعیین ائتمکله حاکمیت گئرییه آددیم آتمایاجاغینی گوستریر. اما خالقی راضی سالماق اوچون ایلک نؤوبهده پلیس قوهلرینی جزالاندیرماق لازیمدیر. عکس حالدا بو اعتراضلار سنگیمهیهجک. چونکی خالقین حاکمیته اعتباری قالماییب. منده اولان معلوماتا گؤره، آرتیق سپاه داخیلینده ده قارشیدورمالار (اختلافلار) وار».
سیاسی فعال مرتضی مرادپور ایسه ۱۳ آذربایجانلینین اعدام ائدیلمهسینه دقت چکیب. او، بو آددیملارین اینسانلارینین گؤزونو قورخوتماق اوچون آتیلدیغینی بیلدیریب:
«بو ایسه نتیجه وئرمهیهجک. چونکی خالق جانا دویوب. آرتیق یاخشی یاشاماق ایستییر. عکسینه، اعداملار اعتراض دالغاسینی آرتیراجاق. رژیمین انتظام قوهلرینین باشچیسی تعیین ائتدیی رادان سپاه-دان گتیریلیب. اونلارا داها چوخ گووهنیرلر. احمدرضا رادان بیر واختلار ایراندا باش توتان اعتراضلاری آمانسیزلیقلا یاتیران شخصلردن بیریدیر. اوللر قادینلارین گئییمینه نظارت ائدیردی. اونون یئنیدن انتظام قوهلرینین کوماندیری تعیین اولونماسی وضعیتین یاخشیلیغا دوغرو گئتمهمهسیندن خبر وئریر. چونکی حاکمیت اعتراضلارین داوام ائدجییندن برک ناراحاتدیر».
هنوز نظری ثبت نشده است. شما اولین نظر را بنویسید.