Ҳавзаи илмия: ۲۰ милюн нафар дар Эрон дар таъмини ниёзи ҷинсии худ мушкил доранд

نوعی بحران جنسی در ایران در حال وقوع است. مشکلات اقتصادی راه ازدواج را بسته اما با وجود تابوهای اجتماعی روابط جنسی بدون آموزش رو به گسترش است. محمدرضا برومی، مسئول کارگروه خانواده مرکز مطالعات زنان حوزه علمیه قم در نشستی که با عنوان «بحران جنسی» در ایران تشکیل شده گفته که تعداد دخترانی که پیش از ازدواج رابطه جنسی دارند بیشتر از پسران است. به گفته برومی در ایران ۲۰ میلیون نفر در تأمین نیاز جنسی خود مشکل دارند. این گزارش را می‌توانید در اینجا با خط فارسی بخوانید.

Акс: бойгонӣ

Навъе буҳрони ҷинсӣ дар Эрон дар ҳоли вуқӯъ аст. Мушкилоти иқтисодӣ роҳи издивоҷро баста, аммо бо вуҷуди тобуҳои иҷтимоъӣ равобити ҷинсии бидуни омӯзиш рӯ ба густариш аст. Муҳаммадризо Бурумӣ, масъули коргурӯҳи хонаводаи Маркази мутолеъоти занони ҳавзаи илмияи Қум, дар нишасте, ки бо унвони «Буҳрони ҷинсӣ» дар Эрон ташкил шуда, гуфта, ки теъдоди духтароне, ки пеш аз издивоҷ робитаи ҷинсӣ доранд, бештар аз писарон аст. Ба гуфтаи Бурумӣ, дар Эрон ۲۰ милюн нафар дар таъмини ниёзи ҷинсии худ мушкил доранд.

Бурумӣ бо ироаи оморҳое аз вазъияти феълии издивоҷу талоқ дар кишвар эълом карда, ки ҳудуди ۵,۵ милюн нафар аз писарони ۲۰ то ۳۵ сол ва шашу ним милюн нафар аз духтарони ۱۵ то ۳۰ сол муҷаррад ҳастанд.

Бар асоси ин омор, ۱۳ милюн муҷарради қатъӣ, чаҳор милюн зани бева, ۳,۲ милюн писари ۱۵ то ۲۰ соли муҷаррад низ дар ҷомеъа вуҷуд доранд. Бурумӣ гуфта ин оморҳо нишон медиҳад маҷмуъан ۲۰ милюн нафар дар кишвар барои таъмини ниёзи ҷинсии худ дучори мушкил ҳастанд.

Бо ин ки суҳбат аз масоили ҷинсӣ дар ҷомеъа тобу маҳсуб мешавад ва бавижа занон аз доштани робитаи ҷинсии пеш аз издивоҷ наҳй мешаванд, аммо баррасиҳои оморӣ ва таҳқиқоти ҷомеъашиносӣ дар канори ривоҷи амалҳое монанди тармими бакорат, нишон медиҳад, ки ин навъ равобит дар Эрон рӯ ба густариш аст.

Масъули коргурӯҳи хонаводаи Маркази мутолеъоти занони ҳавзаи илмияи Қум бо ироаи оморе аз донишомӯзон гуфта, бар асоси баррасие, ки соли ۹۴ анҷом шуд, як севуми писарон ва ۲۷ дарсади духтарони донишомӯз таҷрубаи робитаи ҷинсӣ доранд.

Соли гузашта ҳам эълом шуда буд, ки тибқи таҳқиқоте, ки Маркази пажӯҳишҳои Маҷлис ҳам анҷом дода, болои ۱۵ дарсад аз донишомӯзон то қабл аз ۱۵-солагӣ ва давраи мутавассита ба навъе робитаи ҷинсиро таҷруба мекунанд.

Бр хатти форсӣ бештар дар ин бора бихонед: Таҷрубаи равобити ҷинсӣ ва истифода аз маводди равонгардон дар байни донишомӯзони эронӣ

Бурумӣ бо ишора ба омори Маркази мушовараи донишгоҳҳои кишвар, ки дар соли ۹۶ бар рӯи донишҷӯён низ таҳқиқе анҷом дод, гуфта, ин баррасӣ нишон дода, ҳудуди ۱,۴ дарсади писарон ва ۱,۵ дарсади духтарон низ пеш аз издивоҷ робитаи ҷинсиро таҷруба кардаанд.

Бар асоси чунин оморҳоест, ки ниҳодҳои мазҳабӣ ва фуқаҳо ҳам ба такопу уфтодаанд, то роҳи ҳалле барои тазод миёни тобуҳои мавҷуд дар ҷомеъа ва воқеъиятҳои он пайдо кунанд. Носири Макорими Шерозӣ, марҷаъи тақлиди шиъаи фатвоӣ, авохири обони соли ҷорӣ фатвое содир кард бо ин мазмун, ки «агар духтаре муртакиби зино шавад ва тавба кунад, барои ҳифзи обрӯяш метавонад бесару садо назди табиб биравад” ва бакораташро тармим кунад.

Муҳаммадризо Зебоинажод, масъули Маркази мутолеъот ва таҳқиқоти занони ҳавзаи илмияи Қум, ҳам дар ин нишаст ҷомеъаи Эронро аз назари ҷинсӣ дар ҳоли таҳаввул хондааст.

Ин рӯҳонӣ бо ишора ба ин ки ҷомеъаи имрӯз ба самти худмеҳварӣ ва худойинӣ меравад ва гуфтори либерол дар ҳоли ниҳодина шудан дар ҷомеъа аст, ин рӯйкардҳоро ҳосили «ғарбзадагӣ ва пайравӣ аз фарҳанги ғарбӣ» хондааст. Бино бар таърифе, ки ин рӯҳонӣ ироа дода, манзур аз худойинӣ он аст, ки «он вуҷӯҳе аз дин, ки музоҳимате барои касе дуруст намекунад, ба таври одӣ дар ҷараён аст, аммо вуҷӯҳе, ки бо меҳварҳои афрод ҳамхонӣ надорад, аз дастури кор хориҷ шудааст.»

Зебоинажод ҳамчунин гуфта, ки дар заминаи ҷинсӣ таҳаввулоти зиёде дар кишвар дар ҳоли рух додан аст ва бо ин таҳаввулоти амри ҷинсӣ, масъалае, ки феълан аҳаммият дорад, омӯзиши ҷинсӣ аст. Ӯ таъкид карда, ки ин омӯзишҳо бояд дар замон ва макони муносиб ироа шаванд.

Ӯ дар идома бо ишора ба санади ۲۰۳۰ ва мавзӯъи омӯзишҳои ҷинсӣ дар он таъкид карда, қисматҳое аз ин санад омӯзишҳои ом аст, ки дар ин мавзӯъ ҷои баҳсе нест, аммо мавзӯъе, ки боъиси ихтилофи дидгоҳ ва мушкили аслӣ аст, аҳдоф ва адабиёти тарбияти ҷинсӣ аст, ки дар ин санад унвон шудааст.

Санади ۲۰۳۰-и Юнеску, санаде, ки пайвастани Эрон ба он вокуниши тунди раҳбари Ҷумҳурии Исломӣ ва муҳофизакорон дар Эронро барангехт, бар зарурати омӯзиши ҷинсӣ дар мадорис таъкид мекунад, аммо ин санад дар Эрон лағв шудааст. Ин дар ҳолест, ки хабарҳое марбут ба таҷовуз ва озори ҷинсӣ дар мадориси Эрон мунташир мешавад, аммо ба далели набудани қавонини ҳимоятӣ кунтрули он номумкин ба назар мерасад.

Илова бар ахбори таҷовуз дар Мадрасаи Устод Муъини Теҳрон, ки чанд моҳ пеш мунташир шуд, дар рӯзҳои ахир ҳам хабарҳое аз вуқӯъи таҷовуз дар як мадраса дар Исфаҳон мунташир шудааст.

Санади омӯзишии Юнеску бо унвони «Дигаргун сохтани ҷаҳони мо: дастури кори ۲۰۳۰ барои тавсеъаи пойдор» барои “тазмини омӯзиш бо кайфияти баробар ва фарогир ва тарвиҷи фурсатҳои ёдгирии модомулъумр барои ҳама ва аҳдофи вобаста ба он” танзим шудааст.

Ин санад дар ۲۵-и септомбри соли ۲۰۱۵ дар Ню-Юрк ба тасвиби кишварҳои узви Юнеску расид ва дар он ۱۷ ҳадаф таъйин шуда, ки имзокунандагон мутаъаҳҳид шудаанд то соли ۲۰۳۰ ба онҳо даст ёбанд. Аз ин рӯст, ки ин санад ба «Санади ۲۰۳۰» шуҳрат ёфтааст.

نظرات

نظر (به‌وسیله فیس‌بوک)