حیات نعمت سمرقندی، شاعر شناخته شهر ما و پژوهشگر تاجیک، هفتاد پنج ساله شد. سهراب ضی، خبرنگار تاجیک، به این مناسبت به اتاق این شاعر در مهمان‌خانه فرهنگ، در شهر دوشنبه، رفته و با ایشان گفت‌وگوی خودمانی داشته. چند سال است که اتاقی در مهمان‌خانه شهر دوشنبه، از جانب وزارت فرهنگ تاجیکستان در اختیار این شاعر معروف سمرقندی‌ست که بتواند دو سه مراتبه در سال از سمرقند به دوشنبه آید و پژوهش‌های خود را در آنجا بنویسد.

حیات نعمت سمرقندی از زمانی که مرکز فرهنگی تاجیکان در شهر سمرقند به اجبار بسته و تخریب شد، محل زیست مشخصی ندارد و در سمرقند در منزل نزدیکان خود به سر می‌برد و در خجند در منزل فرزانه خجندی و در دوشنبه در اتاق کوچکی در همین مهمان‌خانه وحدت. او در حال حاضر پژوهش جدید خود را با عنوان «تذکره ادیبان تاجیک سمرقند» تکمیل می‌کند. او ۳۱ ماه ژولای سال ۱۹۴۳ در قواله ناحیه سمرقند به دنیا آمده است. اسم او با جنبش ملی تاجیکان در دهه هشتاد سمرقند گره خورده است و سال‌ها تحت فشارهای دولتی در دوران کریموف بوده و حدود یک هفته گرسنه‌نشینی اعلام کرده تا تاجیکان سمرقند دارای روزنامه با زبان مادری خود باشند. این روزنامه تا حال فعال است با عنوان «آواز سمرقند» هرچند که دولتی و بازتاب‌دهنده سیاست‌های روز است.

حیات نعمت سمرقندی به خاطر اعتراض علیه تخریب و بسته شدن مرکز فرهنگی تاجیکان در سمرقند، ماه‌های زیاد را در حصر حانگی بوده است. اشعار معترضانه او برای بسیاری از تاجیکان آسیای میانه آشناست. حیات نعمت سمرقندی از چهره‌های مهم فرهنگی و سیاسی سمرقند امروز به شمار می‌رود. معلوم نیست که آیا قرار است در سمرقند یا در شهر دوشنبه، به این مناسبت مراسم بزرگداشت شایسته فعالیت‌ها و خدمت‌های او برگزار شود یا خیر.

در ادامه نوشته سهراب ضیا، رونامه‌نگار تاجیک را می‌توانید با خط سیریلیک بخوانید که در معرفی حیات نعمت سمرقندی و فعالیت‌های فرهنگی و اجتماعیی او، در صفحه فیسبوک خود منتشر است.

حیات نعمت سمرقندی ۷۵ ساله شد – عکس از سهراب ضیا

Ҳаёт Неъмати Самарқандӣ 31 июли 1943 дар деҳаи Қаволаи ноҳияи Самарқанд зода шуда. Дар чорсолагӣ, бар асари фалокате маҷруҳ гардид ва ҳаштуним сол бистарӣ буд. То синфи 8 дар мактаби русии бемористон, сипас дар мактаби миёнаи № 16 таҳсил кард. Соли 1982 факултаи филологияи Донишкадаи давлатии омӯзгории Самарқанд ба номи Садриддин Айниро бо дипломи аъло хатм кард. Аз июни соли 1965 то августи 1983 дар идораи маорифи ноҳияи Самарқанд ҳамчун сармуҳосиб, аз августи соли 1983 то декабри 1996 ҳамчун сармуҳосиби Идораи таълими вилояти Самарқанд кор кард. Аз 16-солагӣ ба ду забон, тоҷикӣ ва ӯзбекӣ шеър мегӯяд. Намунаҳои ашъораш дар рӯзномаву маҷаллаҳои гуногуни Ӯзбекистон, Тоҷикистон, Эрон, Эстония, Фаронса, Бритониё, Омрико ва Исроил чоп шудаанд.


Сад ғазали Саъдии Шерозӣ, 120 ғазали Абдурраҳмони Ҷомӣ ва сад ғазали Хумайниро ба ӯзбакӣ тарҷума кардааст, ки инҳоро Интишороти “Алҳудо” (Эрон) ба табъ расонида.


Ҳаёт Неъмат чанд дроми манзум офарида, ки «Меҳри пирӯз ё зодаи нур» ва дилогияи «Дарди рӯзгори Одам» иборат аз ду намоишнома соли 1977 дар Озмуни дромнависони тоҷик сазовори ҷоизаи дуввум гардиданд. Соли 2000 Ҷоизаи “Деваштич”-ро дарёфт кард. Соли 2000 Ширкати синамои «ДУНЭ»-и Фаронса дар ҳамкории синамогарони Испониё дар бораи ӯ мустанаде таҳия кард.
Дар чандин конфаронсу симпозиумҳои байналмилалӣ, ки дар Ӯзбекистон, Тоҷикистон, Эрон, Арманистон ва Бритониё созмон ёфтаанд, ширкат доштааст.

سهراب ضیا با همراهی حیات نعمت سمرقندی در اتاق مهمانخانه فرهنگ در شهر دوشنبه، تاجیکستان

Аълочии маорифи халқи Ӯзбекистон, узви Шурои Анҷумани байналмилалии тоҷикон ва форсизабонҳои ҷаҳон «Пайванд» (1990) аст.
(Аз китоби “Адибони Тоҷикистон”)

Соли 2017 нашриёти “Адиб” дар Тоҷикистон пажӯҳиши тозаи ӯро ба номи “Фарҳанги вожаҳо ва ифодаҳои мардумӣ дар осори Мавлавӣ” ба теъдоди 1000 нусха чоп кард.

Ҳаёт Неъмат ҳоло рӯи китоби нави худ ба номи “Тазкираи адибони тоҷики Самарқанд” кор мекунад. Дар ин асар ӯ дар бораи 150 адиби тоҷики зодаи Самарқанд маълумот додааст, ки аз нимаи дуюми садаи 19 то ба имрӯз дар ин шаҳри бостонӣ зиндагӣ ва эҷод кардаанд. Ҳамчунин ин китоб намунаҳое аз осори ин шоиру нависандагонро дар бар хоҳад гирифт.
Ҳаёт Неъмати Самарқандӣ аз соли 2000 узви Иттифоқи нависандагони Тоҷикистон аст.

Устоди гиромиро ба муносибати 75- солагиашон самимона муборакбод мегуям! Барояшон тани сиҳат, умри дароз ва дар эҷоди осори нав ва пажуҳишҳои тоза орзуи муваффақият дорам.

Ташаккур аз раҳбарони шаҳри Душанбе, ки пешниҳоди моро дар нишасти матбуотиашон дар ҳафтаи гузашта нодида нагирифтанд ва имрӯз ба табрики ин чеҳраи шинохтаи тоҷик рафтанд.

Устод Ҳаёт Неъмати Самарқандӣ беш аз як моҳ аст,ки дар Душанбе ҳастанд.

نظرات

نظر (به‌وسیله فیس‌بوک)